Policia e Kosovës njofton se kanë identifikuar dy persona të dyshuar për disa vjedhje në Ferizaj, dhe njëri prej tyre është arrestuar.

Në njoftim thuhet se të dyshuarit kanë vjedhur kryesisht në lokalet e Ferizajt, përcjell Arbresh.info.

“Pas përpjekjeve të vazhdueshme për të gjetur të dyshuarin B. T, 23 vjeç ai është ndaluar nga Njësia e Hetimeve të Prishtinës, nën dyshimin për një vepër të ngjashme në rajonin e Prishtinës”, thuhet në njoftim.

Nën autorizimin e prokurorit të shtetit dhe në praninë e avokatit mbrojtës, B.T është intervistuar nga Njësiti i Hetimeve të stacionit të policisë në Ferizaj dhe gjatë intervistimit dhe ballafaqimit me provat e mbledhura, ai ka pranuar kryerjen e disa veprave penale të “Vjedhjes së rëndë” në rrugët e Ferizajt:

– “Bajram e Gursel Sylejmani”
– “Hamëz Jashari”
– “12 Qershori”
– “Dëshmorët e Kombit”
– “Agim Matoshi”
– “Latif Hasani”

“Gjatë hetimeve janë siguruar prova materiale, duke përfshirë video incizime nga kamerat e sigurisë dhe sende të ndryshme që ndihmojnë në ndriçimin e këtyre rasteve. Deri më tani janë zbuluar tetë (8) raste të “Vjedhjes së rëndë””, thuhet më tej në njoftim.

I dyshuari B. T ndodhet në ndalim për 48 orë, ndërsa hetimet vazhdojnë në koordinim me prokurorin e shtetit .
Njësiti i Hetimeve po vazhdon përpjekjet për të siguruar prezencën e të dyshuarit të dytë dhe për të grumbulluar prova të tjera relevante./Arbresh.info